Sunday, November 11, 2012

و لما يغلط، يقول اللهم اخزيك يا شيطان، لكن هوه؟! ما بيغلطش

كثيرا ما اقابل هذا الشخص الذى لا يخطىء

فعندما يخطىء لا يخطىء ... فالخطأ اما "وسا وسا = زى وكا وكا بتاعت شاكيرا كده" من الشيطان او الأصحاب ضللوه. انما هو، فلا يخطىء 

عندما يسقط فى الأمتحانات هوه فى الحقيقه لم يسقط "دول سقطوه"

عندما يكون "متخلف" لا يكون "متخلف" يشتم الشعب كله و بهذا الشعب هوه المتخلف. "الشعب هوه الغلطان"

يعاكس و يتحرش بالبنات و الحقيقه انه غير مخطىء، فهى مسؤوله انها نزلت من بيتها

و لا يخطىء فى العمل ، فصاحب العمل "حمار" او الزبون "متخلف" او الماكينه "بتستهبل". انما هو لا يخطىء

يدعى الله و ينتظر الأجابه و لا يعمل

يقول "ربنا يستر" و لا يفكر فى الحرص او الأمان. فالنتيجه الطبيعيه تجد حوادث ١٠٠٪ إهمال 

و بما انه لا يخطىء فهو لا يعتذر 

اقابله كثيراً 


Wednesday, November 7, 2012

إلا السكس

جربت تكلم حد اطرش؟ او بيعمل نفسه اطرش؟

تقوله فين المجرمين ال قتلوا الناس فى الثوره؟ يقولك فى موضوع اهم، الأنابيب و البلطجه 

تتشتت

تقوله مين ال عمل موقعه الجمل و ماسبيرو و مجلس الوزرا ؟ يقولك النور بيقطع كل يوم، اصل محططات الكهربا مش مكفيه

تتشتت

و لما تركز تانى تقوله مين ال قتل الشباب فى بورسعيد؟ يقولك "السكس" عيب ياله نقفل مواقع السكس ... 

جربت حد يستهبلك قبل كده؟ اكيد جربت. لأن ده بيحصل كل يوم فى مصر. يبقى عندنا قضايا قتل و تعذيب مش عايزين يقولوا مين المسؤول فيها و كهربا بتقطع و لسه مااتحلتش و مواطنين مش لاقيين شغل و لا اكل و بلطجه و يقولك انا هاقفل مواقع السكس عال انترنت علشان عيب و تسمع ناس اصلا مش لاقيا تاكل تقولك "تكبيييييير . قرار عظيم"

عارف المثل ال يقولك "تيجى فى $يز القرد و تشمها" ؟ ده ال احنا بنعمله 

نقطه تانيه، الناس الفرحانه بالقرار المفاجىء شايفه انها ملهاش حق تختار و شايفه ان فى حد اعقل و احسن و انضف منها يختارلها طريقه يعيشوا بيها. و ده بدايه. و لو الناس سكتت ها يقفلوا بكره "الفيس بك" و يقولك حرام و بعدها غيره و غيره و الناس "تكبيييييير" ... 

لأمتى ها تفضل كتير من الناس شايفه انها مش عاقله كفايه انها تختار الصح و الغلط؟ 

Thursday, October 4, 2012

ﺍﻻﻋﺠﺎﺯ ﺍﻟﻌﻠﻤﻲ ﻓﻲ ﺗﺠﺪﻳﺪ ﻣﺤﻄﻪ ﺭﻣﺴﻴﺲ


ﻳﺠﺐ ﺍﻥ ﻧﻌﺘﺮﻑ ﺍﻥ ﻣﺤﻄﻪ ﺭﻣﺴﻴﺲ ﻓﻲ ﺣﺪ ذاﺗﻬﺎ ﻣﻌﺠﺰﻩ ﻣﻌﻤﺎﺭﻳﻪ فى العصر الحديث، ﻓﻬﻲ ﺗﻘﺮﻳﺒﺎ ﺍﻟﻤﺤﻄﻪ ﺍﻟﻮﺣﻴﺪﻩ ﻓﻲ ﺍﻟﻌﺎﻟﻢ ﺍﻟﺘﻲ ﺗﺤﺘﻮﻱ ﻋﻠﻲ ﺩﻳﻜﻮﺭﺍﺕ ﻏﺮﻳﺒﻪ ﻭ ﻟﻮﺣﺎﺕ ﺭﻗﻤﻴﻪ ﻏﻴﺮ ﻣﻔﻴﺪﻩ ﺑﺎﻟﻤﺮﻩ للمواطنون ﻭ ﺷﺎﺷﺎﺕ عرض كبيره ﺗﻌﺮﺽ ﺩﻋﺎﻳﻪ ﻭﻫﻤﻴﻪ ﻋﻦ ﻗﻄﺎﺭﺍﺕ ﻣﺮﻳﺤﻪ ﻭ ﺳﺮﻳﻌﻪ ﻭ ﻫﻲ ﺩﻋﺎﻳﻪ ﻟﻘﻄﺎﺭﺍﺕ ﻣﻦ ﺍﻟﻤﺆﻛﺪ ﺍﻧﻬﺎ ﻓﻲ ﺩﻭﻟﻪ ﺍﺧﺮﻱ ﻭ ﻋﻠﻲ ﺍﻟﺮﻏﻢ ﻣﻦ ﻛﻞ ﻫﺬﻩ ﺍﻟﺘﻜﺎﻟﻴﻒ ﻻ ﻳﻮﺟﺪ ﻣﻘﻌﺪ ﻭﺍﺣﺪ ﻓﻲ ﺍﻟﺴﺎﺣﻪ ﺍﻟﺮﺋﻴﺴﻴﻪ ﻟﻠﻤﺤﻄﻪ. و ﻓﻲ ﺩﻭﻟﻪ ﺗﻌﺪﺍﺩﻫﺎ ﺍﻛﺜﺮ ﻣﻦ ٨٠ ﻣﻠﻴﻮﻥ ﻣﻮﺍﻃﻦ ﻛﺎﻥ ﻣﻦ ﺍﻟﻤﺘﻮﻗﻊ ﻓﻲ ﻣﺤﻄﻪ ﻗﻄﺎﺭﺍﺕ ﺍﻟﻬﺪﻑ ﺍﻟﺮﺋﻴﺴﻲ ﻣﻨﻬﺎ ﻫﻮ ﺍﻥ ﺗﻜﻮﻥ ﻣﻜﺎﻥ ﻣﺮﻳﺢ ﻳﻨﺘﻈﺮ ﻓﻴﻪ ﺍﻟﻤﺴﺎﻓﺮ ﺍﻟﻘﻄﺎﺭ ﺍﻭ ﻭﻟﻌﻴﺎﺫ ﺑﺎﻟﻠﻪ ﻳﻨﺘﻈﺮ ﺍﻷﻫﻞ ﻭ ﺍﻷﺻﺪﻗﺎء ﺍﻟﻤﺴﺎﻓﺮﻳﻦ. ﻓﺎﻟﻤﺤﻄﻪ ﻓﻲ ﻣﺼﺮ ﻣﻦ ﺍﻟﻤﺘﻮﻗﻊ ﺍﻥ ﺗﻛﻮﻥ ﻣﻠﻴﺌﻪ ﺑﺎﻟﻜﺮﺍﺳﻲ. ﺑﺲ ﺩﻩ ﺍﻷﻋﺠﺎﺯ ﻓﻲ ﺍﻟﻘﺼﻪ. ﻓﻌﻨﺪﻣﺎ ﺗﺪﺧﻞ ﺍﻟﺴﺎﺣﻪ ﺍﻟﺮﺋﻴﺴﻴﻪ ﺗﺠﺪ ﺍﻟﻤﻮﺍﻃﻨﻮﻥ ﻳﺠﻠﺴﻮﻥ ﻋﻠﻲ ﺍﻟﺴﻼﻟﻢ ﺍﻟﻜﻬﺮﺑﺎﺋﻴﻪ ﺍﻟﻤﻌﻄﻠﻪ ﻭ ﻋﻠﻲ ﺍﻟﺸﻜﻞ ﺍﻟﺘﺬﻛﺎﺭﻱ ﻟﻠﻤﺤﻄﻪ ﻭ ﻋﻠﻲ ﺍﻟﺤﻮﺍﺟﺰ ﻭ ﻋﻠﻲ ﺍﻷﺭﺽ ﻟﻴﺘﻔﺮﺟﻮﺍ ﻋﻠﻲ ﺍﻟﺘﺼﺎﻣﻴﻢ ﺍﻟﻐﺮﻳﺒﻪ ﺍﻟﻤﻮﺟﻮﺩﻩ ﻓﻲ ﺍﺭﻛﺎﻥ ﺍﻟﻤﺤﻄﻪ ﻭ ﺍﻟﻌﻤﺎﻭﻳﺪ ﻭ ﺍﻷﺿﺎءﻩ. 
ﻓﻤﻦ ﺍﻟﺬﻛﺎء ﺍﻟﺨﺎﺭﻕ ﺍﻥ ﺗﻘﻮﻡ ﺑﻜﻞ ﻫﺬﻩ ﺍﻟﺘﺠﺪﻳﺪﺍﺕ ﻓﻲ ﻣﺒﻨﻲ ﻭ ﺍﺭﺿﻴﻪ ﻭ ﺣﻮﺍﺋﻂ، ﺑﻴﻨﻤﺎ ﺍﻟﻘﻄﺎﺭﺍﺕ ﻣﺘﻬﺎﻟﻜﻪ ﻭ ﺧﺪﻣﻪ ﺍﻟﻌﻤﻼء ﻣﺘﻌﺠﺮﻓﻪ ﻭ ﺍﻟﻤﺤﻄﻪ ﻏﻴﺮ ﻣﻜﻴﻔﻪ ﻭ ﻳﻮﺟﺪ ﻧﻘﺺ ﻓﻲ ﺍﻟﻤﻌﻠﻮﻣﺎﺕ ﻏﺮﻳﺐ ﻳﺠﻌﻠﻚ ﺩﺍﺋﻢ ﺍﻟﺒﺤﺚ ﻋﻦ ﻗﻄﺎﺭﻙ ﻭ ﺭﺻﻴﻒ ﻗﻄﺎﺭﻙ. ﻣﻌﺠﺰﻩ ﻣﻌﻤﺎﺭﻳﻪ،، ﻻ ﺗﺮﺍﻋﻲ ﻣﻜﺎﻥ ﺍﻟﻤﺸﺮﻭﻉ ﻭ ﻻ ﺍﺣﺘﻴﺎﺟﺎﺕ ﺍﻟﻤﻮﺍﻃﻨﻮﻥ ﻭ ﻻ ﺍﻟﻬﻮﺍ. ﻣﺠﺮﺩ ﻣﺸﺮﻭﻉ ﺍﺗﺤﺴﺐ ﻋﻠﻴﻨﺎ ﻭ ﻫﺎ ﻳﻘﻌﺪﻭﺍ ﻳﺰﻟﻮﻧﺎ ﺑﻴﻪ ﺑﻌﺪ ﻛﺪﻩ...

Tuesday, August 21, 2012

عفواً انها سينما مصريه مقرفه


السينما فى مصر للأسف الشديد اصيبت بعقم و ده نتيجه لعقود من التدهور. اصبحت السينما عباره اما عن واقعيه (مأسويه مقرفه و فى معظم الأوقات مبالغ فيها) او علاقات حب مكرره و غير منطقيه او ضحك فقط بلا هدف. 

و اكتر من كده، فى اتجاه شائع ان السينما يجب ان تتجمد فى الأنماط التلاته دول! و في معظم الأحيان هذه الأنماط التلاته يكونوا هدفهم اعطاء رساله او درس للمشاهد. زى كن صالحاً او الست نص المجتمع او اسمع كلام بابا و ماما علشان انت ما تعرفش حاجه او المابيصليش بيروح النار او الكباريه حرام و لازم يولع و امثله كتير... 

الغريب ان محدش سأل نفسه ايه دور السينما او لماذا صنعت؟ او ليه الناس بتتفرج على افلام من الأساس؟ 

من وجهه نظرى و لا اجذم انى صح بس السينما هى "وسيله ترفيه" زى الكتب و الموسيقى و الرقص و الغناء. استخدمت كتير جداً فى التعليم فى بدايتها و تدعيم ايديوليجيات سياسيه و دينيه لكن فى الحاضر و من فتره لا تقل عن ٥٠ سنه او اكتر بدأت السينما تتحرر من الدور "الغامض" ده و هاقول ليه انا شايفه غامض. و بدأ يظهر الجانب الترفيهى الممتع المبهر فى السينما و الممتع و المبهر مش مقصود بيها الكوميدى بس. المقصود بيه ابهار افلام فى الأنيماشن و الرعب و الخيال و الأفلام البتخلى الواحد يفكر. افلام زى Lord of the rings, Avatar, Titanic او حتى Saw و امثله كتير جدا جدا عن افلام مبهره 

"الغامض" مقصود بيها سؤال واحد موجه لصانع الأفلام الموجود بيها رساله؟ حضرتك "مين" علشان تعلمنى؟ مش ممكن تكون بتعلمنى غلط؟ ايه يضمن انك صح و انا غلط؟ و سؤال لصانع الأفلام الواقعيه المُره زى الأفلام المنتشره فى مصر حالياً. ايه يضمنلى انك بتقول الحقيقه و مش بتبالغ؟ ايه مصادرك؟ هل هي مصادر موثوقه؟ لأن لو معرفش يجاوب يبقى بالظبط زى اى حد بيطلع اشاعات... 

مش بقول تحت اى مسمى ان اتجاهات السينما فى مصر غلط بس بقول انها بعدت عن دور السينما فى الأبهار و الترفيه و مسكت و "تبتت" فى اتجاهات معينه و "هرت" فيهم لحد ما بقت اتجاهات عقيمه، مسفه، و هبله. و على اد ما صناع الأفلام بيحاولوا اكتر يبينوا الواقع الأليم على اد ما هم فى الحقيقه بيبعدوا عن الواقع الأليم و يقربوا اكتر من خيالتهم المريضه العنصريه المبالغ فيها.


السينما للترفيه و الواقعيه و الكوميدى نوعان مش اكتر و مش لازم تاخد درس من فيلم و لا لازم تتعلم منها و تاريخ الأفلام المصريه فيه كل الأنواع الأفلام من افلام فيها استعراضات و رقصات جميله و رعب و خيال و واقعيه و تاريخيه و حتى Abstract و انواع كتير جداً، ايه الحصل! 

مش قادر افهم...

Saturday, August 18, 2012

بطلت اكتب

ليه بطلت اكتب؟ 

علشان مش عارف اكتب ايه! اكتشفت ان كل الشارع "محلللين" و دى حاجه تسترعى الأنتباه. احنا يا مصريين بنموت فى تحليل الموقف، يعنى مثلا

لو شفت حادثه، ها تلاقى كل الحواليك فى اى مكان مجموعه تحليل و تعليق على الحادثه. ها تلاقى جدال على مين الغلطان و كل واحد يدافع عن رأيه (المبنى على مشاهده جزء بسيط جدا من الحقيقه، ال هيه الحادثه) بشده و عنف و ثقه. 

لو حصل خبر سياسى زى الرئيس عمل او سوى، تانى يوم لو واحد فتح الموضوع فى اى مكان ها تلاقى كله بيحلل و يدافع و يختلف و يبرر و يجادل و ممكن في بعض الأحيان يتخانق، زى ما تقول كله مستنى التانى يفتح الموضوع علشان يقول رأيه! 

و امثله كتير و انا كمان بحس برغبه دفينه فى كل موقف انى احاول اقول رأئيى فى البيحصل بس ابتديت احس انى بعيد كل البعد عن الحقيقه علشان "اقول رأى" و ادافع عنه. فا بصعوبه بحاول اسكت. 

الموضوع ملوش علاقه بالثوره، الثوره غيرت بس مواضيع النقاشات، بعد ما كانت "الأسعار" و "الزحمه" و "كام نقطه علشان المنتخب يتأهل" اصبحت "الأخوان" و "الثوره" و "البلد"...

يمكن قله المعرفه و الثقافه بتخلى الواحد عايز اى مصدر للمعلومات حتي لو مغلوط، مش كامل، مزور او غلط يثبت بيه انه موجود و ليه رأى،

بس للأسف السكوت فى مجتمعنا ضعف... 


Tuesday, April 10, 2012

يا احمد ... يا عمر

قالى و انت زعلان ليه؟

قلتله علشان دول فلول و فلول على ابوه. دول يا راجل كانوا بيولولوا و يعيطوا لما الشباب كانوا فى الميدان

قالى و انت برضو زعلان ليه؟ مش فيه انتخابات؟

قلتله اه فى، و فى فى حاجه اسمها تزوير و تعريص و قرطسه و لعب فى الدماغ و بروباجنده و تزوير تاريخ و كل ال نفسك فيه

قالى انت مش عاجباك الذيموقراطيه؟

قلتله لو ديموقراطيه من ال هى بتاعت مبارك يبقى تشكر يا عم مش عايزينها. احنا نكمل الثوره و نعلمك الديموقراطيه الصح.

قالى على فكره فى جيش و فى انتخابات، هيه دى الديموقراطيه!

قلتله و فى شارع و فى شعب و فى ثوره، هيه دي الديموقراطيه

Tuesday, April 3, 2012

كرامه دى تبقى خالتك

يتمتع المواطن المصرى بمرض وراثى خطير اسمه داء الكرامه و المرض بيزيد يوم بعد يوم و يتشعب و ينتشر

و نبدأ نصدق الخرافه و الكذبه البيضه بتاعت إن المصرى عنده كرامه

ببساطه و باختصار راجع تاريخ الشخص ابو كرامه اليومى 

المشهد ال بتشوفه فى الشارع:

واحد بيشتم واحد من شباك العربيه علشان زنق عليه فا الشخصين بيركنوا و واحد ينزل بكل ثقه  عصبيه و حاسس ان الأخر اهانه و لازم يدافع عن كرامته

flash back

نفس الراجل ده ابو كرامه خد على قفاه الصبح من مراته و بعدها خد على افاه من مديره فى الشغل و بياخد على قفاه  و فى اللجنه و القسم بياخد على قفاه من الظابط

انا شايف ان الكرامه دى اخترعناها علشان نبرر بيها لنفسنا و لمجتمعنا الضعف و الأنكسار و قلت الحيله البنشوفه. كل حد بيطلع عقده على الأضعف منه و العجله بتدور

ال عايز المجتمع كله يعرف انه قوى، ضعيف. و ال عايز المجتمع كله يشوف انه شجاع، جبان. و ال عايز المجتمع كله يعرف انه عنده كرامه، معندوش، لأن مفيش حاجه اسمها كرامه... 

Friday, February 10, 2012

افلا يبصرون! افلا يعقلون!

جربت تكلم و تتناقش مع حد فلول او حد غير موؤيد للثوره, غير موؤيد للحريه. انا جربت

- طب معلش وحده وحده و ارجوك ما تقاطعنيش و انا ها سمعك للأخر منكن
- طيب
- حضرتك ليه مش عاجبك المظاهرات؟ نقطه نقطه قولى سبب واحد. اهم سبب
- علشان معطله البلد
- ايوه معطله ايه بالظبط؟
- كل حاجه. اول حاجه بتعطل المرور
- تمام. لو الرئيس, ابن الرئيس, اى وزير كان معدى من الشارع مش بيوقف الدنيا كلها و حضرتك مش بتنطق و لا تقدر تتكلم. لما الناس تعمل كده علشان حضرتك ما تتعطلش بعد كده تانى يبقوا غلطانين؟
- يا سيدى سيبك من الشارع. الأنتاج. احنا البلد بتقع.
- معاك, قصدك بأيه البلد بتقع؟ البورصه بتاعت الأغنيا و لا المصانع الماليه البلد و مقطعه الدنيا انتاج؟ 
- لأ انا قصدى المواطن العادى ال باليوميه. حرام عليكوا.
- تمام و انا معاك مالوا بتاع اليوميه ما ينزل, ايه ال مش بينزلوا لما يبقى فى مظاهره؟
- يا بيه السرقه و تكسير المحلات
- و انا معاك. مين المسؤول عن حمايه الحجات دى كلها؟ و حمايه المواطن؟
- الشرطه؟ بس انتوا مش مدينها فرصه حضرتك
- اه ده قصدك سنه مش كفايه علشان تسيطر على بلد؟
- .....
- طب لو كده ما نجيب حد يدربهم او حاجه لأن كده مش صح. شرطه بقالها سنه مش عارفه تشتغل!
- يا بيه مانتوا فى المظاهرات بتقرفوهم و نفسيتهم باظت
- اه طيب خلينى اقولك حاجه. انت عارف ان الشرطه و الجيش مفيش مظاهره عرفوا يفضوها من غير ما يقتلوا الناس من ساعه 25 يناير. ده دلوقتى لما بتعدى على خير اى مظاهره بنستغرب ازاى ... يا سيدى الفاضل كل العالم بيحصل فى مظاهرات و بيسمعوهم و يشوفوا عايزين ايه و لو ها يضطروا يفضوها, بيفضوها انشاله اقصى حاجه يضربوهم بميه و يزقوهم او يضربوهم ضرب بنى ادمين مش حيونات و ده غلط برضوا بس مش بيموتوا الناس. احنا شوف بلدك قاتله كام واحد لحد دلوقتى
- يا بيه واحنا عايزين البلد تشتغل بقى 
- يا سيدى البلد تشتغل ايه؟ هوه فى مصانع و لا اى شغل و الشباب قال لأ؟ طيب قبل ما الناس تقعد تقول نشتغل نبنى البلد وفروا شغل مش كده و لا ايه؟ و لا ها نشتغل بعض!
- ...........

و الغريب جدا ان فى ناس تتكلم معاها ساعات و الفى دماغها فى دماغها

Sunday, February 5, 2012

التار

"قوللنا مين القتل و ملكوش دعوه. احنا ها نخد حقه. مش ها نسيب حقنا"
قال احد اهالى الشهدا فى مذبحه الأولتراس فى بورسعيد من امام مشرحه زينهم

و كان الناس بتسأل زمان هوه ليه فى الصعيد بيلجأوا للتار و كان اهل المدن بيسألوا ازاى كده و ان ده مش صح و مش تحضر. 

ليه فجأه دلوقتى بقى الناس بتستقوى بمنطقتها و بلدها و عيليتها و ظهرت كلمه "الحق" و "التار" و "المسؤول" و كل يوم بنشوف خناقات و سيوف و مطاوى
الاجابه: علشان مفيش عدل.

مفيش قانون بيتطبق على المجرم ... 

مفيش شرطه ال ده المفروض دورها انها تضبط المجرم و تطبق القانون عليه

للأسف القانون و الشرطه و موؤسسات الدوله دلوقتى بتحارب المتظاهرين و طالبى الحقوق علشان طمع فى السياسه (سياسه المدنين) مش بتستخدم انها ترد الحقوق و علشان كده فى تار و فى انتقام و بنسرع فى سكه بلد بلا قانون ... قبليه

قبل ما تسأل ليه الناس بتقول ها تجيب حقها و تارها اسأل لو همه ما عملوش كده مين ها يجيبلهم حقهم

و الحق يعنى العدل
 

Tuesday, January 3, 2012

قصه المواطن المتصل

اذا فرضنا جدلا ان فى شخص "مش مأجور" و ان فى حد بيرجع من شغله الصبح و يتغدا و يريح شويه و يصحا من النوم و يبدأ فى الفرجه على البرامج السياسيه و يجهز سماعه التليفون جنب كوبايه الشاى التقيل و يبدأ فى الصراخ

البلد بتولع. مصر بتتحرق (هيييه - على رأى باسم يوسف) و الناس دى عايزه مننا ايه؟ كفايه بقى

و يعيد الراسله على باقى القنوات حتى لو كان الحوار اصلا عن الكوره و الاهلى... 

بعد ما الاخ المواطن يدى السماعه لمراته و لبنته و ابنه علشان ينقل للعالم كله احاسيس المواطن "الشريف" ... يتعشوا و يناموا

يصحا الأب من بدرى و يروح الشغل و مراته تصحا تودى الولاد المدرسه و ترجع تحضر الغدا و تقعد تتفرج على التلفزيون و تتكلم فى التليفون مع اصحابها و شويه و تنزل تجيب الولاد (بفرض ان مفيش باص) و طول السكه بتسمع قصص عن "العيال بتوع التحرير" و اد ايه همه ال (New Super Power) و تروح تستنى لحد ما جوزها يرجع و يتغدوا غداء عائلى و تحكى لجوزها القصص و هوه يحكيللها قصص جديده هوه سمعها فى الشغل

و يناموا شويه و يصحوا يشربوا شاى تقيل و يعودوا يتكلموا انهم سمعوا عن مكان اسمه المجمع العالمى تقريبا او العلمى و فيه كتب اتحرق و بتاع 30 و احد من البلطجيه ال كانوا بيحرقوه ماتوا لوحدهم كده ...

الام تقول يستاهلوا مش بلطجيه!

و الأب يقول ايوه الولاد الكويسين بتوع 25 سافروا تقريبا او انقرضوا و الولاد الجداد دول وحشين و عنيفين قوى. و يقعودوا يتكلموا عن ازاى المواطن لازم "يمشى بالجذمه" و ازاى هوه مش طايق المدير بتاعه علشان مش بياخد رأيهم فى حاجه و بيفكروا ما يرحوش الشغل يوم علشان يعلموه الأدب. بس

فا يقوموا يفتحوا التلفزيون و يتصلوا و يصرخوا 

البلد واقفه. البلد بتولع. الناس دى عايزه ايه! كفايه بقى

هوه ده المواطن المتصل ال المشاهد بيسمع صوته و مش بيشوف وشه ... 

المواطن المتصل