Friday, April 22, 2011

They live, as well by Ahmad Magdy - و هم ايضا يعيشون - اخراج احمد مجدى

Monday, April 18, 2011

عايز و مش عارف ان انا عايز

عايز و مش عارف ان انا عايز

فى ناس عايزه و مش عارفه
و ناس عارفه و مش عايزه
و ناس عارفه و مش عايزه
و ناس عايزه و مش عارفه

فى ناس كانت زمان عايزه
و كانت عارفه بس خلاص
صبحت عايشه و لا عارفه 
ليه عايزه و ليه عايشه

و ناس كانت زمان عارفه
لأ و كانت عارفه انها عارفه
و فين و فين بقى لما تعوز
و كانت الدنيا ماشيه بس مش عارفه

و ناس بتعوز لكن متعوز
لما الدنيا تعوز يجوز 
و لما الدنيا تلوى البوز
و لا يمكن اى شىء ها يجوز

و ناس دلوقتى مش عايزه
و حقيقتها مش عارفه انها عايزه
و ناس دلوقتى مش عارفه
تقول" عمرى ما ها كون فى يوم عايزه"

و ناس تعرف طب ما تعرف
ما فى ناس كتير اوى بتعرف
و لما تعوز تعوز ماهى بتعرف
و كل الناس بقى تعرف انها بتعرف

فى ناس عايزه و مش عايزه
تعوز و مخها بيرفض,
تقول و مخها بيسكت,
و تكذب ليه! ماهى فى الأصل مش عارفه

و ناس هتموت عشان تعرف
و عايزه و نفسها تعرف
لأ دى عايزه و عايزه و كل يوم عايزه
لأ و كل الناس عارفه انها عايزه

و ناس ولا عارفه و لا عايزه
و لا عارفه بتضحك ليه
و اهى عايشه و مش شايفه
و ها تفضل فاكره نفسها عايشه

و انت فكر بقى فى نفسك
بتعرف و لا مش عايز؟
و عايز ايه بقى عارف؟
عايش انت مش عارف عايز و لا مش عايز؟

كتبها

احمد مجدى


© Ahmad Magdy - 2011