Thursday, April 14, 2011

انا مرتاح

انا مرتاح 


انا مرتاح 
عشان صاحى و مش شايف
عشان مفروض انا صاحى,
و مفروض انى اكون مرتاح

انا مرتاح
عشان انا اصلى بحب الجد
و جاه الجد موتنى و ريحنى 
فالمفروض اكون مرتاح

انا مرتاح
عشان بلدى خلاص الضلمه غميتها
و كل حديدها اتكسر, مفيش اكتر
من انى اكون مرتاح

انا مرتاح
و مش شايف غير الراحه
و هم يخدنى بالراحه على الأحزان
فالمفروض اكون مرتاح

انا مرتاح
و زى السكرنين فرحان 
ما كل شىء خلاص مسموح
فالمفروض اكون مرتاح

انا مرتاح
و كل شخص اشوفه اقولوا
و اضرب ودنه بأديا عشان يسمع
المفروض تكون مرتاح

انا مرتاح
زى البحر لما الموج يسرحلوا
و تجى مراكب الركاب تدوس على وشه
المفروش يكون ارتاح

انا مرتاح
 و بمدد على الأسفلت و اسمع صوت
عجل عربيه بيبوسنى و بيفرمل و بيزعق
المجنون ده برضه ارتاح

كتبها 

أحمد مجدى



© Ahmad Magdy - 2011 

Monday, April 11, 2011

الخدامه سعديه و الرقاصه لواحظ و البواب عم عبده

الخدامه كان لازم يبقى اسمها سعديه و الرقاصه لواحظ و البواب او الخدام عم عبده و لو اسمر عثمان

انا اليومين دول قرفت من الأخبار و هافف عليه افلام ابيض و اسود انا مش مصدق ازاى كانوا بيعملوا كل حاجه بشياكه 

بيشربوا خمره و ويسكى و يرقصوا و كان فى ناس شيوخ و كان فى ناس عادى

البحر بتاع اسكندريه و بتاع الأسماعيليه كانوا بيرحوه فى المصيف و يلبسوا بيكينى و يلعبوا و مفيش اى مشاكل و ال مش عاجبه مبيروحش 

و كانت الستات و البنات معظمهم بجيبات قصيره (Micro) و برضوه مفيش مشاكل ده حتى كان نادر جدا تلاقى واحده لابسه حجاب 

ايه مكانوش مسلمين؟ الدين مكانش وصلهم لسه؟ 

لأ كانوا ميه ميه بس كان العايز يلبس حاجه كان بيلبسها و نضيف برضه 

بيهتم بشكله 

حتى لو كان فلاح صعيدى او ميكانيكى 

ايه الحصل؟ معنديش فكره... البحر دلوقتى ال تلبس بيكينى تبقى سافله و ظهر شاطىء بنات بس و الناس بقت تتدخل فى الملهاش فى... محدش بيدافع عن حد و كله مستخبى ورا دينه 

المسلم ورا دينه و المسيحى ورا دينه و الملوش دين شايف الكل متخلف 

ايه الحصل معرفش... انا هكمل فرجه على القديم, اهو تغيير