Saturday, April 9, 2011

مين ال رمى الطوبه؟

اعترف انى نفسى قصير و ما بشوفش غير تحت رجلى بس الواضح و الظاهر هوه حاله عامه من التعتيم و الفبركه و اخفاء الحقائق و اظهار اشاعات و استخدام كل الطرق لخلق حاله من الأحساس بالضياع

وصل! شكرا!

الغريب فى الموضوع ان فى ناس مش عارفه ان انا منكن اوريك ال انا عايز اشوفه و اشوه كل ال مش عايزه يظهر

السياسه = لعبه... مين هيكسب؟ الشباب جاب جون يوم 25 و من ساعتها مهريين فاولات و لعب وسخ. الجمهور فقد الثقه فى الحكم و شتم المدرب و لسه لحد دلوقتى المتش شغال... 

مين ال هيكسب؟ طيب هوه فعلن الحكم باع المتش؟ احيه ...

انا مش بشجع اللعبه الحلوه و لا اى نيله انا عايز اروح,

شفت الجون؟ قطعناهم يا معلم

بس مشجعيين الفريق التانى عمالين يقولوا تسلل و يشتموه فى الحكم 

طب هوه الحكم مع مين؟ مرتشى؟ 

طب ما همه كمان الحكم بالنسبالهم ظالم 

الله؟ طب هوه الحكم مع مين. فيه ايه. 

الأجابه؟ انت كده مواطن غير مسيس... عيش بقى فى هذا العالم المشوه, عالم السياسه؟ 

مين ال رمى طوبه و بوظ الماتش؟ طب و احنا هنرمى طوبه ليه ده احنا كسبانين.

و همه يرموا ليه ده الماتش فى ملعبهم يعنى لو باظ الماتش مش فى مصلحتهم

الله, طب مين ال رمى الطوبه؟ 



Minutes by Ahmad Magdy (Trial) HD

Thursday, April 7, 2011

مربوط فى الدنيا

كنت وقفت كتابه اصلى بدأت احس بعدم جدوى ال بعمله

كتبت ايام الكأبه: 

ليه ببنى قصور بجسور فتقوم تتهد,
ليه لما اعوز انا ارسم صوره الاقى كل اقلامى مكسوره,
بجد,
ليه مش عايز حاجه من حد,
ليه مش فالح غير فى ال عد!
بجد
ده حتى كمان العد اتلخبط
و الحلم اتخبط و طريقه
اتسد
انا شفت الموج بيزق فى بعضه
و لا يعرفوا سما من ليل من شط
يقولولى, اتهد
مجنون بيعد سحاب السما ميت عد
محتار دى المطره نقطها كتير,
ازاى تتعد
حمار مربوط فى الدنيا 
تضربه كرباج,
فتقوم تتشد
حاسس بالحلم و عايش فيه
اهده و ابنيه, مش فارقه, ما هو حلم
و يا ريته كان جد
و ياريتنى انسى الحب و يا ريتنى كمان ما بحبش حد
و خلاص, و لا عايز احقق حاجه و لا نيله
ماهو انا مش حد

و سميتها, مربوط فى الدنيا, اصل ده بظبط ال انا كنت حاسس بيه. انا بعرف اعمل حاجات كتير كلها (irrelevent) كلها ملهاش لازمه لحد غيرى, طب ليه! زى واحد بيعرف يرسم و هوه مسجون فى ابو زعبل! او واحده بتعرف تغنى بس بتشتغل خدامه فى بيت طرش و مش بتطلع منه

احساس الأطرش فى الزفه. الغريب هوه احساس انى احس انى مربوط فى الدنيا