Wednesday, March 23, 2011

يعقوب: ما تخافوش خلاص ... البلد بلدنا

المره دى انا مش هتكلم .. مبقاش فيها كلام بعد كلام محمد حسين يعقوب ...

كانت هذه غزوه ... اسمها عزوه الصناديق (الأستفتاء)

وقد جعلنا بيننا و بينهم الصناديق و قد قالت الصناديق للدين نعم (للدين مش للتعديلات, على اساس كان السؤال هل تريد حكم الدين؟)

تكبير (ما هيه موقعه)

انصفنا الله

كانوا مخوفينا (مين هما ... ؟؟؟ )

خلاص الدين هيدخل فى كل حاجه؟ رد الناس نعم

مش هيه دى الديموقراطيه بتاعتكوا؟ الشعب بيقول نعم للدين

و ال يقول خلاص دى بلد مينفعش نعيش فيها ... انت حر ... مع الف سلامه (يا سيدى تشكر و ليه الكرم ده ما تقتلنا؟)

الشعب عايز دين اديلوا دين, و احنا بتوع الدين (اه حضرتك بتاع الدين؟ ولى؟ رسول؟ مين انت؟؟؟؟؟؟؟؟ )

شكلك وحش لما تبقى فى النحيه ال مش فيها المشايخ. مش كده! 

و ختم قائلا

ما تخافوش خلاص ... البلد بلدنا






Monday, March 21, 2011

عبقريه ورقه الأستفتاء - خدمه احشدنى شكرا

بعد ما فرحت و رحت و صوت و شفت النتيجه و فكرت لقيت ان الشباب لسه جديد فى عمليه الأستفتائات و الأنتخابات دى

مثلا 

كل ال هقوله ده وجهه نظر مش بقول ده الحصل و لا بشكك فى حد 

لاحظت ان الورقه لون السؤال 

هل توافق على التعديلات الدستوريه؟ اخضر فاتح (من اجلك انت) و 
موافق لونها برضوا اخضر فاتح, نفس اللون علشان لو مش بتعرف تقرا تعلم على حسب اللون او لو بتعرف تقرا اللون يدلك... علشان الموضوع يبقى سهل 

ليه الورقه تبقى ملونه اصلا ؟؟ المفرووض كله لون واحد علشان محدش يعلم على حسب اللون 

برضوا لو لاحظت ان الشباب لسه جديد فى عمليه الأنتخابات 

ظهرت خدمه  احشدنى شكرا 

كل طائفه بتحشد الناس و توفر كل الوسائل التخليك تروح تصوت على الهمه عايزينه 

 مثلا بما انهم محنكيين فى السياسه الأخوان و السلفيين و المسيحيين عارفيين دور الشارع و الناس البسيطه ف فى المنابر اتقال 

لازم تصوت بنعم غير كده حرام

و المسيحيين لازم تصوتوا ب لا 

و لا عايزيين الأخوان يمسكوا البلد؟ 

و ظهر اهميه الناس البسيطه فى التصويت... ال كانوا مصلحتم فى نعم, لعبوا على الشارع, الهوه اهم حاجه فى التصويت و همه كانوا عارفيين كده كويس

كرنفالات شعبيه فى الشوارع علشان تقول نعم 

ورق اتوزع فى الأشارات بيشرح ببساطه ليه تقول نعم

ورق اتعلق بيخوفك من انك تقول لا

لحد ما المواطن البسيط ال متعلم من الأنتخابات ال فاتت ان البيعلقوا الورق ده عايزيين مصلحته (مصلحتك اولا) اقتنع ان نعم هيه الاجابه النموذجيه للسؤال 

اقدر اقولك ان الأربعه مليون ال قالوا لأ دول صوت ال فيس بوك و صوت ميدان التحرير و صوت الشباب 

لكن مش لازم ننسى ان ده مش صوت الأغلبيه, الأغلبيه  ناس بسيطه محتاج تروحلهم و تشرحلهم وجهه نظرك و ازاى ها تفيدهم لو عايز توصل ل اهم صوت فى اى انتخبات هنا او تصويت لازم توصل ل 

صوت مصر 





ليه الناس القاعده سقفت لما قال نعم كسبت؟ ليه

هوه انا معنديش مشكله مع نعم او لا فى الأستفتاء ال حصل ده!

بس السؤال ال محيرنى 

لما القاضى قال 14 مليون نعم و اربعه مليون لا ليه الناس القاعده سقفت؟ هوه انتصار؟ هوه القال لأ  غلط قوى للدرجه دى؟ ماجوس القالوا لأ دول صح؟ و مين الكانوا قاعديين دول؟ و تبع مين؟ 

ليه فينا روح مجلس الشعب ال هوه ... موافـــــــــقه 

و سؤال تانى برضه 

ليه الدايره ال موافق لونها اخضر؟ و مش اى اخضر (اخضر فاتح, من اجلك انت

و الغير موافقه لونها اسود؟ يعنى اخيىىى باد باد باد 

بجد التصويت ده اثبتلى ان الشباب لسه ورور فى الأنتخبات و اللعبه ده, احنا لسه جداد فى الحوار ده

الله ينور, الخبره تغلب الشجاعه