Sunday, March 6, 2011

نفس سياسه الحزب الحاكم

طب ما نعمل جيش و نخليه شرطه 

او نعمل شرطه من طلبه حقوق 

او مثلا شرطه من الناس الكبار المتقاعديين و نمسكهم سلاح

او كل حى يعمل لجنه شعبيه دائمه و يتمرنوا ست شهور وبعديين ننزلهم 

كل دى افكار بسمعها كل يوم من ناس عاديين و من محلللين

فت ي ى 

كله بقى مشرعيين و مشككيين و محلللين سياسيين 

و لمه اتكلم مع حد يحسسك انك مش بتفهم و يقولى

اصل فى التاريخ و اصل انا شوفت فيديو و اصل انا رحت التحرير 

طيب يا سيدى انا معرفش و مشوفتش و اخرى تلفزيون مش محلى و قريت كام كتاب كده و حضرتك فاهم اكتر منى 

انا مش معا حد من مؤيدين الثوره بس من معارضيين التخلف و الهمجيه

ال انا شايفوا بنظرى المحدود "فوضى عارمه" 

انتوا صح و همه امن الدوله عملوا كل حاجه غلط فى البلد

طيب و حرق المبانى و حرق المستندات و المجرميين البيسرقوا فى الشوارع و كله فى بيته من 12 و الستات بتتسرق و البلطجه فى كل حته 

ناقص ايه علشان نسميها فوضى؟

انا موافق الحال كان زفت و انا مع الثوره بس للأسف كتير فى وصت الهتافات نسيوا يعنى ايه ديموقراتيه و نسيوا الحقوق 

الديموقراتيه يعنى اى حد يبقى عنده راى حتى لو "معاليك" شايفوا غباء او غلط نحترموا مش لازم نوفقوا بس نسيبوا فى حاله

انا بكره الحكم و ال كنا فيه بس مش بقول على اى حد غبى او مش مثقف, يا ساده يا مثقفين 40 فى الميه من البلد جهله, نساعدهم مش نتريق عليهم و نخليهم ضدنا

كده اى حد هيبقى مش عجباه الثوره هيتحط عليه و يتعلق, طب و هيه دى ديموقراطيه؟ هنرجع لعصر الأرهاب الفكرى و اى حد مخالف فى الراى غلط 

نفس سياسه الحزب الحاكم

ياريت نفكر, يا ريت نبطل شغل الهيجان البيحصل بعد اى حدث مهم فى البلد دى

ده الأسره الواحد مش بتتفق على قرار واحد طول الوقت, عايزيين ال 90 مليون يوفقوا على حاجه واحده؟ دى قمت الديكتاتوريه, ده حتى ايام هتلر مكانش فى كده

امال ليه فى احزاب فى الدنيا؟

ايد ال تأيدوا و عارض ال تعارضوا بس متنساش انتا عايز ايه و ايه هدفك من كل ده!