Thursday, January 27, 2011

جنون حاصل فى الغابه

ازاى الأسد يفضل حاكم الغابه مع ان الحيوانات كلها حلفت و اقسمت انها مش عايزاه

طب لم كله مش بيحبه و كله مش عايزه, بال منطق ايه ال مقعده؟ هيه الرساله مش واضحه؟ 

بس واضح انها غابه و الأقوى هوه ال بيسود  

Sunday, January 23, 2011

ايه قيمتك؟

لقيت الولد ال شغال امن فى الشركه ال أنا شغال فيها بيعرج, بيذوك. 

قلتله ايه يا عم مالك؟

قالى اصلى اتزحلقت على سلم الشركه و وقعت و رجلى شكلها اتكسرت.

قلتله: طب مترووح

قالى: ياريت. المدير مش راضى

قلتله: يا سلام. يا عم انت تمشى و تقوله مشيت علشان وقعت. ما تاخودش رأيوه 

ضحك و قالى: لأ ده انت منكم تعمل كده. انا فى كتير زيى. و اسهل حاجه انه يمشينى

مقدرتش اقول حاجه

هوه انا ماكينه فلوس؟ و لا صاحب الشغل انا بالنسباله ايه؟ و لسه بفكر فى الموضوع لدلوقتى. هوه انا ايه قيمتى؟ انت ايه قيمتك؟ احنا ايه قيمتنا؟