Wednesday, January 19, 2011

بدون عنوان

كنت فى الميكروباص و فجأه سمعت المكالمه دى

ايوه يا محمود, ده طلع خاطب و هايتجوز الشهرالجاى. انا قابلت رانا امبارح و انا رايحه المحل. قولتلها انتى ساكنه هنا قالتلى ايوه. قولتلها منكن اسالك سؤال, قالتلى اسألى, قولتلها محمود يعرف بنت؟ قاليتلى ده خاطب من سنه و هايتجوز الشهر الجاى. قولتلها هوه مش سابها, قالت لأ دى كانت مشاكل بس هوه مسابهاش, قولتلها متقوليلوش انك شوفتينى ولا قولتييلى حاجه. شوفت السفاله؟

معملتش حاجه كلمتوا قولتلوا انت خاطب, قالى مين قالك؟ قولتلوا انت اكتر حد سافل شوفتوا فى حياتى. و قفلت, و بعت مسج قولتلوا فيها, هفضل ادعى عليك طول عمرى

كنت عارفه انه واطى و كداب بس مش للدرجه دى. انا مش مضايقنى هوه, هوه يغور فى ستين داهيه, انا مضايقنى الموقف نفسه. انا الحمد لله ربنا عوضنى بالأحسن منه. و هاتخطب قريب. لأ مفيش حب و ده موقع اسلامى اكنه جواز صالونات. لأ دى وجهات نظر 

ليه الناس بقت كده؟ ليه مبقاش فى ضمير فى الدنيا؟ ده كان فى المستشفى و وقفت جنبه, يا نهار اسود. يا نهار اسود

Tuesday, January 18, 2011

تعرف محمد على كلاى؟

تخيل انك تكون شايف انت فين و هتبقى فين و شايف هدفك و متأكد متين فى الميه انك هتوصل للهدف ده

محمد على كلاى, شاف هوه فين. اكتر كلمه قالها هيه انه محدش هيغلبه و هيبقى بطل العالم و كله كان بيقول عليه مغرور و بيتكلم كتير 

ايوه علشان هوه كان عارف. هوه مكانش بيقول "انا هبقى اعظم ملاكم" كان بيقول "انا اعظم ملاكم". حتى قبل ما يكون كده

الهدف لما يبقى واضح كل حاجه منكن تبقى واضحه 




عندك ثقه فى نفسك؟ شوف الفيديو ده و هتعرف يعنى ايه ثقه. يعنى مفيش كلمه تقدر توقفك. ابدا





Monday, January 17, 2011

virtual revolution فيرتيوال ريفولوشن

انتوا مغمى عليكوا؟ ال ايه فى ناس هتنظم مظاهره يوم 25. بجد ولاهى؟

و انتوا لسه مش حاسيين ان الفيس بوك اى حد يقدر يدخل عليه؟ و اى حد منكن يعمل اكونت و يدخل اى جروب و يكتب و يبعت و يعرف العايز يعرفوا

و فى ناس تقدر تعمل هاك و ريبورت و كل حاجه

كل مره يقولك هنعمل و يعملوا جروب, هنغير و يعملوا جروب, هنسوى و يعملوا جروب.

ايه الغيبوبه ال احنا فيها دى 

بجد 

شباب فيس بوك صحيح

انا حاسس ان قريب قوى هيبقى فى فيرتيوال ريفولوشن 
virtual revolution  






Sunday, January 16, 2011

الفاهمين فى الحلاوه "مش" بيحبوا البوادى

انا مش مصدق ان حد منكن يفكر يعمل اعلان زى ده! 

طيب هيه الافكار خلصت؟ لأ مش مضحك خالص على فكره 

ازاى مخنا مفيهوش افكار. ازى ادخل لواحد مسجون و طالع عين امه و اطلعوا فى التلفزيون و وشه مش باين لمجرد انى اعلن عن حلاوه

يا حلاوه

على اساس ان المساجين بنجبلهم عيش و حلاوه يبقى الناس دى اكيد فاهمه فى الحلاوه, يانهار قلش

الفاهمين فى الحلاوه مش بيحبوا البوادى و انا شخصيا مش بحبها و لا هجيبها 


ال اعلانات اتنين منهم اهم: