Saturday, January 15, 2011

العراق اتكسرت من بره و تونس اتكسرت من جوه

ليه كل الدول ساكته و بتتفرج معانا على البيحصل فى تونس؟ فين العرب و فين العالم؟ كله مستنى يشوف النتيجه

بس اما بفكر فيها بقول طب حلو البلد دلوقتى كلها مظاهرات و خناق و ايوه تغيير يحترم بس فيين الأمان؟ 

انا محبش اعيش فى بلد بدون امان, لو واحد قتل حد فين هيبقى البوليس؟ طب ايه ال  هيحصل فى تونس دلوقتى؟ فين الأكل؟ فين القانون؟ فين الشغل؟ لو عصابات قتلت فى الناس مين هيحميهم؟ لو المتاحف اتسرقت زى العراق مين هيرجع التاريخ؟ و غيره 

انا شايف كتير فخورين بال حصل, انا اه كنت هبقى فخور لو الناس دى كان ليها قائد هيحطوه على الحكم, او سياسه عايزيين يحققوها مش مجرد يشيلوا رئيس و خلاص.  لكن كده فى الهوجه, ده مين ال هيعمل الأنتخابات -لو هيبقى فى؟ مين ال هينظم ده كله؟ مين هينظم البلد الفتره الجايه؟

هووجه... 

العراق اتتكسرت من بره و تونس اتكسرت من جوه

Wednesday, January 12, 2011

دعبسه فى التاريخ - مش كل بربر معناها همج


كتير بيفتكروا ان بربر معناها غجر. و علشان كده بما ان كتير من شمال افريقيا اصلهم بربر يبقى اصلهم غجر. 

ده غلط

فى كلمتيين معناهم بربر 

Berber - Barbar 

Barbar- Barbarian - Barbarians

دى اول ناس طلعوها هما اليونانيين القدام (ايام الحضاره اليونانيه) و كانوا بيقولوا كلمه بربر على اى حد مش من بيتكلم يونانى على ان اساس ان ال مش يونانى بيقول كلام غير مفهوم. الكلمه بتحمل معنى ان وقتها علشان كانت اليونان فيها حضاره كان اى حد بربر اقل منهم. فى اراء برضوا بتقول ان اليونانيين هما ال سموا البربر الأسم ده علشان مش بيتكلموا لغتهم بس برضوا هنا الأسم بيحمل معنى انهم مش بيتكلموا يونانى مش انهم همج. 

Berber - Amazegh

دى شعوب شمال افريقيا و هما الأمازيغ او البربر. فى اصل الكلمه فى اختلاف بس فى رأى قال ان ده معناها الرجل الحر.

من مشاهير البربر "طارق بن زياد" و "أبن بطوطه الرحال" و "عباس ابن فرناس"


Berber 


هنا سلاله او شعب, زى الفراعنه, زى الأشوريين, يعنى اسم مش صفه. بس للأسف اللبس بين الكلمتين ال موجود عند الناس ال متعرفش اصل الكلمتيين تقريبا حصل ايام العصر الأسلامى. لما بدأ العلماء المسلمين ترجمت العلوم. الفرق البسيط بين الكلمتيين اترجم فى كلمه واحده "بربر"


مع ان فى فرق بين Berber, Barbar




  1. a b Morocco's Berbers Battle to Keep From Losing Their Culture. San Francisco Chronicle. March 16, 2001.
  2. ^ Berbers: The Proud RaidersBBC World Service.
  3. http://www.youtube.com/watch?v=D_g4LQTDW4U
  4. ^ Brett, M.; Fentress, E.W.B. (1996), The Berbers, Blackwell Publishing, pp. 5–6
  5. ^ Maddy-weitzman, B. (2006), "Ethno-politics and globalisation in North Africa: The berber culture movement*" (PDF), The Journal of North African Studies 11 (1): 71–84,doi:10.1080/13629380500409917, retrieved 2007-07-17

Tuesday, January 11, 2011

دعبسه فى التاريخ - الفاطميين كانوا شيعه

تعرف ان الفاطميين ال حكموا مصر و حكموا كتير من الدول فى شمال افريقيا كانوا شيعه (يعنى مش سنه). بس ده مش معناه انهم خلوا كل الناس شيعه, بالعكس كانوا بيحاولوا لكن كانوا سايبين حريه العباده للسنه و المسحيين و اليهود. و الفاطميين بنوا كتير من الجوامع و المبانى الدينيه فى عصرهم.


المعلومه دى عمرها ما اتقالت فى كتب التاريخ المصريه  

الفاطميه جايه من فاطمه بنت الرسول محمد, ال هيه كانت زوجه على ابن ابى طالب. ابو طالب ده هوه عم الرسول يعنى على ابن عم محمد (عً ص س)


ال هزم الفاطميين فى مصر هوه "أسد الدين شيركوه" و ده عم صلاح الدين الأيوبى (الأسره الأيوبيه) و دول "سنه". شيركوه ده اصله كردى مسلم سنى من العراق.


الفاطميين همه ال بنوا جامع الأزهر الشريف, المعز لدين الله. علشان همه كانوا شيعه صلاح الدين الأيوبى اهمل الجامع الأزهر و كان اكبر جامع فى عصره هوه جامع "الحاكم بأمر الله". لحد ما جم من بعده المماليك و همه ال اعادوا ل جامع الأزهر مكانته. و من بعدها بدأت مكانت الجامع الأزهر.


حاسس انى عايز اقول "يااااااه" دنا كنت جاهل و برضو ادينى بكمل دعبسه فى التاريخ   المصرى و العربى



  1. ^ In his “Mutanabbi devant le siècle ismaëlien de l’Islam”, in Mém. de l’Inst Français de Damas, 1935, p.
  2. ^ Wintle, Justin (May 2003). History of Islam. London: Rough Guides Ltd. pp. 136–7. ISBN 184353018X.
  3. ^ Beeson, Irene (September/October 1969). "Cairo, a Millennial"Saudi Aramco World: 24, 26–30. Retrieved 2007-08-09.
  4. ^ http://www.oldroads.org/pastblogs/pastsingles2007/Cairo_of_the_mind.htm
  5. ^ Cambridge history of Egypt vol 1 page 154
  6. ^ Cambridge history of Egypt Vol 1 page 155
  7. ^ Cambridge history of Egypt vol 1 page 155
  8. ^ Amin Maalouf (1984). The Crusades Through Arab Eyes. Al Saqi Books. pp. 160–170. ISBN 0-8052-0898-4.



Monday, January 10, 2011

انا عمرى ما قابلت حد مش احسن منى فى حاجه

انا عمرى ما قابلت حد مش احسن منى فى حاجه. كل الناس. 

يعنى شفت ال أحسن منى فى الرسم و ال أطول منى و الأغنى منى و الأسرع منى و ال يعرف فى الكمبيوتر اكتر منى و ال بيعوم احسن منى و ال بيحفظ اكتر منى و ال محبوب اكتر منى و ال دمه اخف منى و ال اكتر انفتاح منى و غيرو 

مفيش مره شفت حد مفيهوش حاجه مميزه, حتى لو كان الشخص يعرف اسامى الممثلين فهو كده احسن منى فى حاجه... 

بس برضو طول عمرى عارف انى احسن من ناس كتر فى الرسم و فى الأخراج و فى الكتابه و فى التصوير و اطول من ناس و اسرع من ناس و دمى اخف من ناس و نفس الكلام


طب انت عارف انك احسن من ناس كتير فى حاجات كتير؟ و عارف ان فى كتير احسن منك؟

طب و لما كله مميز و كله بيعرف يعمل حاجه, ليه مش كل حد يستغل ال بيعرف يعمله. تخيل لو ده حصل

Sunday, January 9, 2011

طارق ابن زياد من المغرب

كتير بسمع اسامى و مش بعرف اصلها منين 

و ده ال انا قررت اعمله الأيام الجايه انا ناوى افضل وراه الأسامى العربيه و الأسلاميه المشهوره فى مصر

مثال

طارق ابن زياد من المغرب. كنت تعرف المعلومه دى؟ 

هوه صاحب الخطاب ده 

"أيّها الناس، أين المفر؟ البحر من ورائكم، والعدوُّ أمامكم، وليس لكم والله إلا الصدقُ والصبر، واعلموا أنّكم في هذه الجزيرة أضيَعُ من الأيتام، في مأدُبَة اللئام، وقد استقبلكم عدوّكم بجيشه وأسلحته، وأقواتُهُ موفورة، وأنتم لا وَزَرَ لكم إلا سيوفكم، ولا أقوات إلاَّ ما تستخلصونه من أيدي عدوّكم"

و الأسم العربى ل جبل طارق (Gibraltar) جاى من طارق ابن زياد لأنه هوه ال كان مكلف بغزو الأندلس او اسبانيا.

تخيل حد يقول كده

"واعلموا أني أوّل مجيبٍ إلى ما دعوتكم إليه، وأنّي عند مُلْتَقى الجمعين حاملٌ بنفسي على طاغية القوم لذريق فقاتِلهُ إن شاء الله تعالى، فاحملوا معي، فإن هلكت بعده فقد كفيتكم أمره، ولم يُعْوزكم بطلٌ عاقل تسندون أموركم إليه وإن هلكتُ قبل وصولي إليه فاخلفوني في عزيمتي هذه" 



References

  1. خطبة طارق بن زياد بين الشك و اليقين ـــ د.سعد بو فلاقة*
  2. ^ The Great Islamic Conquests AD 632-750, By David Nicolle [1]
  3. ^ Ibn Khaldoun: History of the Berbers and the Muslim dynasties in northern Africa, ed. Berti, Algiers, 2003, p. 161, ISBN 9961690277
  4. ^ Zones côtières littorales dans le monde méditerranéen au Moyen Âge, Volume 7, By Jean-Marie Martin, P 334, Reference 52 [2]
  5. ^ Ibn Khaldoun: History of the Berbers and the Muslim dynasties in northern Africa, ed. Berti, Algiers, 2003, p. 230, ISBN 9961690277
  6. ^ The preaching of Islam: a history of the propagation of the Muslim faith By Sir Thomas Walker Arnold, pg. 259
  7. ^ Medieval Sourcebook: Al Maggari: Tarik's Address to His Soldiers, 711 CE, from The Breath of Perfumes