Saturday, January 1, 2011

احتملات ان ال فجر العربيه ده مصرى

النهارده انا اهدا شويه و بدأت افكر فى التفجير الحصل امبارح فى اسكندريه قدام الكنيسه ال فى وش الجامع فى سيدى بشر. دى وجهه نظرى الشخصيه 

اما فكرت فيها فى كذا حاجه

اولا تفجير سياره مفخخه ده مش اسلوب متعوديين عليه و تاريخيا محصلش ابدا فى مصر الا مره واحده فى شرم الشيخ و مش اسلوب مصرى. ده بيحصل فى العراق لما يعوز حد يولع بين السنه و الشيعه

اتنين - التوقيت محدد مش عشوائى ده عمل العمليه فى توقيت راس السنه العالمى مش المصرى لو الأهبل ده مصرى كان عمل ده فى سبعه يناير, مش كده!

تلاته - اختيار المكان اكيد مش حد مصرى ال يفكر فى كده لأن فى ميت الف كنيسه فى حتت منعزله فى لو حد اهبل و عنده مشكله هيعمل العمليه دى فيهم بس ده حد دور فين كان فى مشاكل لقى هيه دى و محرم بك ف اختار دى علشان قدمها جامع 

لو العمل كده ليه علاقه بالأسلام عمره ما هيختار الكنيسه دى علشان هيدمر الجامع برضه

اما فكرت فيها اتغظت ده بظبت زى 

واحد يقتل واحد و يحط بطاقة حد تانى على الجثه 

و هوه فى حد يقتل و ينسى بطاقته فى مكان جريمته؟  

Wednesday, December 29, 2010

زى الحيوان

فكرت لو اتخليت عن تلات حاجات ضروريه فى حياتى بتشارك فيهم مع الحيوان ايه منكن يحصل!

الأكل
الشرب
النوم

لو اتخليت عنهم هلاقى فى وقتى كميه وقت فاضى غير معقوله. بس مقدرش ابطل اى حاجه من دول لو اتخليت عنهم هموت. زى اى حيوان

Monday, December 27, 2010

سكه تانيه

فى ناس كتير اوى دلوقتى فى مصر مش بتعمل اي حاجه فى حياتها. الولاد منهم بيبقوا مرميين فى الشوارع و على القهاوى. اكتر حاجه بيفكروا فيها هيه الكرامه و الهيبه و ازاى يثبتوا انهم اقوى او اصيع بشرب الخمره و مسك السلاح. و كمان بيفكروا ازاى يصتادوا بنات, ال هوه اكنهم بيصتادوا غزلان. و فى منهم بيفكرا ازاى يجيبوا فلوس علشان يحققوا ال قولته فى الأول ال هوه يشتروا كيف و خمره و يعزموا البنات بره. 

انا مين علشان احكم على حياة حد و اقول ان ده صح او غلط

بس الناس دى لازم تبقى كده و إلا ها تتاكل. بس هوه يا تاكل يا تتاكل. طيب و ال ملوش فى الغابه يعيش ازاى؟ و ال ملوش فى الصياعه يعيش إزاى؟ 

طيب هيه الناس دى ايه هوايتها؟ فى منهم بيغنى, ليه ما بنسمعهمش؟ فى منهم بيرسم ليه ما بنقدرهمش؟ و فى منهم بيسوق عربيات ليه ما بنساعدهمش؟ 

بس الناس دى لازم تبقى كده و إلا ها تتاكل. بس هوه يا تاكل يا تتاكل. طيب و ال ملوش فى الغابه يعيش ازاى؟ و ال ملوش فى الصياعه يعيش إزاى؟