Saturday, October 9, 2010

كل واحد, اتنين

هيه عشر دقايق و فجأه تلاقى كل واحد خد ركن و بقى شخص ليه اسلوبه و طريقته و ذاته و كل حاجه, ده ال أنا لاحظته. فى كل حته. فى المدرسه, الكليه, الشغل و حتى فى البيت. من عشر دقايق لساعه و تلاقى نفسك عرفت الشخص. فى حد اجتماعى قوى و تلاقيه يجرى يتعرف و يصاحب و يندمج و فى ال بيدور على بنت يظبت و ال بتدور على ولد. و فى المنعزل و تلاقيه واخد جنب بس ليه شخصيته لو كلمته و فى النمره ال الكل بزاوله و يتحك عليه و يتعمل فيه نمر.

انا اكتشفت ان كل ده منظر. الهادى ده منكن يكون اجن حد و الأجتماعى ده منكن يكون بيهرب من عزلته انو يحاول يصاحب ناس. انا بحس ان كل واحد مننا. اتنين. لأ بجد. كل واحد اتنين. واحد للناس و للمجتمع و التانى الحقيقى. متصدمتش\متصدمتيش لما تشوف \تشوفى حد بيعمل حاجه بعيده قوى عن شخصيته\شخصيتها. انا كنت بتصدم فى الأول و أقول الحد ده ميطلعش منه كده. بس لأ بجد انا دلوقتى اما بشوف حد بدور على الحد التانى المستخبى جواه.

بجد كل واحد فى الدنيا دى اتنين

Wednesday, October 6, 2010

كل ما يشوف وحده يحبها


امبارح افتكرت واحد صاحبى و احنا فى ثانويه عامه اما قالى "انا كل ما اشوف واحده فى درس احبها". اما فكرت فيها لقيت ان مهيه الفكره ان ده الأنجزاب الطبيعى ال موجود فى كل الحيوانات. اه ما احنا حيوانات (دى وجهت نظرى الشخصيه) لازم ناكل. لازم نشرب. لازم ننام. و بنعيش و نتكاثر زى اى حيوان

ياما ناس قالولى احنا ال يفرقنا عن الحيوانات موخنا. الحيوانات معندهاش مخ. و احنا اذكيا. و اخترعنا كمبيوتر و كده.

طيب واحده واحده, انا لو نمله هفكر كده "بص البنى ادميين دول اغبيه اوى عيشيين على الأرض و سيبيين البحر. و بص بيدوسوا علينا و فكريين ان احنا بس الشويه ال بيشوفوهم فوق الأرض دول." النمل عنده بيوت و بلاد معقده جدا تحت الأرض و فى الشجر و فى الجبال. و بعديين يعنى سؤال النمل هيحتاج الكمبيوتر فى ايه؟ ولا الصاروخ فى ايه؟

كل كائن بيستخدم مخه فى ال ينفعه و يسهل عليه حياته. بس من الغباء اننا نقول احنا بس ال اذكيا و مش حيونات و الحيونات اغبيا و معندهمش مخ... 

انا يومها قلت لصاحبى. و مالوا حب يا مان انت خسران ايه! بس خد بالك مش اى واحده هتحبها لازم بالضروره تحبك

Tuesday, October 5, 2010

يعنى ايه عكننه؟ انا اجولك

انا صحيت النهارده متأخر و مبتسم و حاسس ان اليوم حلو. قمت خدت الدش الجامد و بس قعدت على اللاب توب و قولت اشوف الدنيا. حسيت انى جعان. رحت على التلاجه, فى اكل و كل حاجه بس فى مشكله... مفييييييش عيش

صباح العكننه

اصل المشكله انى فى الخامس و مفيش اسانسير. قلت فكك مش هفطر. بس لقيت لأ ده انا هحتاج العيش كده كده فى الغدا.

يادى العكننه

المهم لبست و انا مش طايق نفسى بس قلت النهاره الغدا شيعبى بقه. جبت ب اتنين جنيه عيش و بجنيه فول و بجنيه بطاطس و بجنيه بتنجان مخلل و من الخضرى بجنيه نص كيلو خيار و لمونتين بس و الأكل سخن و العيش سخن و الحياه و هم. فكرت شوف ب سته جنيه بس اكله ايه حكايه. المهم طلعت الخمس ادوار و رصيت الأكل و الريحه ايه جامده. بس روحت اغسل ايدى و اغسل الخيار و اللمون و بخ مفيش مياه...

اوووووووووووووووووف جبت اخرى. طب هعمل شاى ازاى و التلاجه مفيهاش مايه فيها بس عصير جوافه. هغسل ايدى بعصير الجوافة؟؟؟؟ بجد صباح العكننه بجد

هيه دى العكننه

Monday, October 4, 2010

جيرانى و التحضر

التحضر. يعنى ايه تحضر؟ لأ انا مش هدخل فى تعريف, انا هاقول مثال. انا من كام يوم طالع شقتى زى اى انسان طبيعى جى من شغله تعبان و هموت و انام ارفت من الزحمه و الدخان و الأرف, بيتى بقى, الراحه و اذ بى و انا فى الدور التانى اسمع صوت هوهوه غير طبيعى و فى الدور التالت لقيت المفاجأه. كلب بلدى نايم قدام شقه جيرانى. اه والهى, كلب بلدى تخيل\ى. كلب على سلم العماره.

بس لسه لحد النهارده كل ما انزل او اطلع ابص للكلب و هوه نايم كده قدام باب شقتهم و افكر. يا ترى الناس دى بتفكر فى ايه. ايه الهدف من و جود كلب يزبل السلم و يعملها فى كل الأدوار و يخلى الريحه مزبله و يقرف الطالع و ال نازل غير الدوشه و الرعب الهيحصل للواحد لو النور قاطع مثلا؟ ايه ال فكره؟ حمايه مثلا؟ ده ال بيسرق عنده استعداد يموتهم همه شخصيا مش هيعرف يتعامل مع كلب؟ و اللهى ما فاهم...

بجد و نعم التحضر 

Sunday, October 3, 2010

ال شايف الدنيا حلوه, هوه ال حلو


لأ وحشه و وحشه اوى كمان على فكره. اه الناس بتموت و كل يوم حوادث. ناس مايته. ناس بقت رخيصه. عايانيين و ماليين المستشفايات. حياه عباره عن 'ولا حاجه'. محدش مهم. ناس بتأذى و ناس بتتأذى و تتوجع اوى. مفيش نجاح, مفيش حب, مفيش عدل, مفيش امان, مفيش شغل نضيف. مفيش صاحب جدع, مفيش اى نيله

احباط و فشل و ضياع

اصل فكر فيها, انا ياما قلت كل حاجه هتبقى حلوه و قلت انا, كا فرد هساهم لكن مفيش نور, ولا ضلمه و لا اى حاجه. هيه دى المشكله, مفيش حاجه خالص.