Friday, October 1, 2010

انت مخبى ايه

بحس ان كل واحد مخبى جواه بلاوى لكن للأسف كل ده بيفضل جوه و و لا حد يعرفها. انت نفسك مخبى بلاوى. ايوه بلاوى حجات متقدرش او متقدريش تقوليها ولا حتى لأقرب الناس. مش بالداعى تكون حاجه غلط (ولاونها كتير بتبقى شكلها غلط للمجتمع) بس سعات بنقول "و هو مين لى دعوه" او "دى حاجه متخصش حد". مثلا بلاوى حصلت و انت صغير\ه.

و مواقف كتير محدش يعرف عنها. فى الشارع. فى التاكسى. مع صحاب. اعجاب. حب. احراج. اكوام اسرار. كلها متكومه جواك. السؤال بقى, طب و مصيرها ايه؟
مدفونه

طب لأمتى

معرفش و هيه مدايقاك فى ايه؟

مش مديقانى انا, مديقاك انت و مخلياك مش عارف تعيش حياتك و بتشدك لوراه و محدش يعرف عن الحجات دى حاجه

بس الفكره ان حتي لو حد عرف و حاول يساعد هل هيفرق؟ مش عارف

Thursday, September 30, 2010

منين اجيب واحده اجنبيه


الواحد عمره ما كان انانى ولا بيحاول يابص لحاجه مش بتاعته بس كده الموضوع زاد بقى كل اما امشى فى اى حته فى وسط البلد, البورصه او التحرير, اى نيله الاقى واحد عادى جدا ماشى مع واحده اجنبيه تهريج, جامده اخر تلات اربع حاجات ببقى عايز اسئله بجد كلمه واحده 'منين؟' والهى ما حسد ربنا يخليهاله بس اهو الواحد يجرب حظه مدام مش مفهوم من ولاد بلده طب الله, هيخسر ايه لو ساعدنى و قالى و انا والهى ما هاسيحلوا

بس للآسف بتراجع علشان بحسه هيفتكرنى بهيس او مش هيرضا يقولى, ليه مش بنحب الخير كده لبعض, منين بس ده سؤال قمه فى البراءه

بلاش يقولى, يرحمونا و يبطلوا يعقدونا و يسافروا معاهم برا و النبى الشباب فى البلد دى ما ناقص

Wednesday, September 29, 2010

الحياه ماتشات بلاى ستيشن

اه. و سعات فى ماتش غلس اوى كمان. فى ناس لعيبه لكن انا للأسف عمال يدخل فيه اجوان انا اه با رقص كتير و با باس كتير بس مابتفرقش اصل الكوره اجوان و فى ناس مابتبهركش بال بتعمله بس بتعرف تحط اجوان و اجوان حلوه كمان...

لسه من كام يوم كنت مهاجم و عمال اقسم و العب بالدنيا و فجأه

هجمه مرتده

مش اوف سايد

و رقص الجون

الدنيا حطط فيه جون

فى الوقت بدل الضايع

و اضح انى انا ال ضايع

Tuesday, September 28, 2010

برنس على الطريق

سعات بفكر ايه كان يحصل لو كانت شخصيتى زى سواق المينى باص المعووج (البرنس) او لو مش بتركب مينى باص, سواق التاكسى ال عايش فى دنيا لوحده, اكيد شوفت حد كده
لل ميعرفوش هوه حد رايق كده. بنضاره شمس. صعب اوى يتكلم معاك كلمتيين على بعض. 

بحسه حد مهم او حاسس نفسه مهم. لو كلمته هيعملك ال انت عاوره اه بس مش هيبصلك ولا يقولك حاضر مل اخر هيحسسك انك مش بنى ادم/ه بتكلمه, ال هوه بمزاجى. عارف لو اتنرفزت او اتنرفزتى عليه, هيبص حتت بصه تحسسك انك ارتكبت معصيه او انك كائن خرافى و هيرجع يبص قدامه من غير ولا كلمه.

انا بحس ان الناس دى بتستخسر تتكلم بس الغريب انه سعات يندمج و يقوم مغنى مع نفسه

الواحد نفسه يبقى كده, رايق, او عامل نفسه رايق  

Monday, September 27, 2010

لطفى يا لوطفنا ... احنــــــــا مال اهلنا

الموضوع بدأ بجد ينرفزنى. كل ما امشى فى الشارع ايام الأنتخبات, اى انتخابات اتعصب 

فى وقت كنت بلاقى اليفطه من دول مكتوب عليها "كلنا بنرشحك" و "كلنا بنحبك" و "كل الناس معاك"

انا محدش سئلنى طب عرف منين رايى. و لا علشان مليش فى السياسه يبقى اتحسب معا المؤيدين؟ بس انا مش مؤيد, ولا معارض, و فى بتاع خمسه اعرفهم كده. يبقى ازاى كلنا؟ طب قولوا كلنا الا احمد و اصحابه علشان ملهمش فى السياسه. حاجه عجيبه

دلوقتى حد تقريبا وضحلهم النقطه دى

بقى فى يفط تانيه, احب اسميها "الأهدائات العلنيه"

الحاج سطان بيؤيد مصطفى لطفى او ايا كان لمجلس الشعب و مقطع لطيف كده تحت لطفى يا لوطفنا .. انت فى قلبنا

ال هوه نظام فترت الأهدائات فى برامج الأطفال بس انا لما بشوف اليفط دى فى كل حته بحب اقول للحاططها يعم عرفنا ابقى رشحوا بس الفكره 

احنــــــــا مال اهلنا

Sunday, September 26, 2010

الراجل من حقه

النهارده فكرت لو بدأت جمله أولها الراجل من حقه و كملت هتبقى الجمله ايه
مثلا
الراجل من حقه ست أو الراجل من حقه انه يمتلك ست (زى العربيه او الشقه او اى مقتنيات كده)

ولا مثلا

الراجل من حقه يعلى صوته فى الشارع زى الجحش و يتخانق مع دبان وشه
و الراجل من حقه يعمل اى تصرف مش محترم
و الراجل من حقه يعاكس و ال بتتعاكس مش من حقها ترد

الراجل من حقه يبقى راجل البيت


الجمل دى اندفعت كده ف هديت شويه و فكرت ما يمكن علشان
الراجل من حقه يعيش و يستمتع بحياته و يفرض سيطرته

و لا

الراجل من حقه يبقى مدير و رئيس و زعيم
بس حاسس انى عايز اقول كلمه بلدى شويه

مش انا راجل بس اهو لو كده بقول ... يخى كسر حقه